Arbeid er ein av bli-faktorane for innvandrarar og som gjer at folk blir verande ein stad. Vi har sidan prosjektstart sett i gong tre tiltak:
Mentorprogram
Samlingsbasert program for tilsette og leiarar i private og offentlege verksemder. Vi ønskjer å styrke arbeidsinkluderinga ved utvikling av naturleg støtte på arbeidsplassen. Målet er å auke arbeidsdeltakinga for arbeidsinnvandrarar og flyktningar. Programmet er gjennomført fleire gonger med tilskot frå fylkeskommunen.
Spire
Skreddarsydd etablerarprogram for innvandrarar med 1-til-1 rettleiing og fellessamlingar. Sogn næring gjennomførte kurset med finansiering frå fylkeskommunen og kommunane.
Bedriftsnettverket
Bedriftene i regionen deler beste praksis. Målet er å finne gode måtar å rekruttera innvandrarar i bransjar med arbeidskraftbehov. Deltakarbedriftene søkjer Innovasjon Norge om tilskot. Ein av bedriftene skal leia nettverket når dette er etablert. Arbeidet står i bero i påvente av fasilitering av prosjektleiar Sogn for alle (vakant stilling). Styringsgruppe og handlingsplan er på plass.